梁詠琪（GiGi）剛推出新唱片，以靚相吸引歌迷買正版。GiGi除了騷長腿外，上圍亦忽然變得有睇頭。對於男友鄭伊健與鍾嘉欣早前拍劇時曾傳出緋聞，GiGi大方謂若能有助收視也不錯。
在大學時讀時裝設計的梁詠琪，昨日推出的大碟《Look》就以時裝為主題，GiGi在唱片設計上更花盡心思，分別推出了兩款唱片封套，其中一款更是限量三千隻。另一款唱片封面，多張靚相均在米蘭取景，當中不少性感相更顯得上圍豐滿。
拍照變做簽名會
GiGi在米蘭街頭取景，拍了十日照片，GiGi表示當時有很多途人圍觀，更有途人一起影相。GiGi說：「咁啱遇到台灣同內地嘅遊客，佢哋重搵我簽名，好似變咗搞簽名會。」至於限量版唱片，GiGi更親自設計其中一款造型。
捧場睇伊健親熱
GiGi更創作的一首歌曲《在天堂遇見的人》，是她憑歌寄意的作品，她說：「我覺得要珍惜眼前人，唔好去到天堂先後悔，所以我好愛錫我朋友同屋企人。」問到她是否特別送給男友鄭伊健，她說：「唔係，送畀所有朋友。」
至於有報道指鄭伊健新劇推出，與緋聞女友鍾嘉欣奉旨日日見，GiGi說：「宣傳嚟啫！如果幫到劇集宣傳，收視又高咁都幾好。」問到若劇中伊健與鍾嘉欣有親熱鏡頭，GiGi可會與伊健一起看劇研究，她說：「唔係啩！不過有劇上都會支持吓嘅！」
採訪、攝影：王連連
