中國現代繪畫大師徐悲鴻創作嘅兩套冊頁《駿馬圖五開冊》同《加城寫生四十四開冊》，將於十二月初公開拍賣，估價近兩千萬元人民幣。據講，八十三歲嘅徐悲鴻夫人廖靜文，幾十年來好似命根咁收藏呢兩套冊頁作為紀念，但係因為徐悲鴻藝術學院經營不善，出現巨額虧損，加上佢自己又年老多病，咁先不得已忍痛拍賣兩件先夫作品嚟還債。