關心妍（Jade）早前參與基督教勵行會的活動，親自前往海拔二千三百多米高的青海省西寧市探訪當地的兒童福利院，看見該院的殘障及先天性缺陷孤兒，阿Jade不禁心酸起來，阿Jade說：「雖然只係短短五日嘅時間，但係我哋都發展出一段微妙嘅關係，佢哋好容易滿足，一份小小禮物或者一首好聽嘅兒歌已經可以令佢哋大笑。」
在探訪期間，阿Jade竟發現院外有一個旅行袋裝着一個患有兔唇的棄嬰，阿Jade還替女嬰取名林永恩，阿Jade說：「我喺探訪期間親身體會到被遺棄嘅嬰兒真係好可憐，我幫佢改名永恩，係希望佢永遠得到神嘅恩惠。」阿Jade回港後亦決定自掏五萬元捐給永恩，用作醫治兔唇之用。