譚小環自與拍拖六年的排舞師黃國榮（Sunny）分手後，也許曾經滄海難為水，小環遇上幾段霧水情緣都無疾而終。瘦了的譚小環強調自己絕非因情變而「short」了，更揚言若再次拍拖，不排除會閃電結婚。
譚小環入行以來沒有是非，也沒有緋聞，當選港姐冠軍至今十一年，只曾跟任職排舞師的黃國榮拍了六年拖。那六個年頭，她眼中除了愛情以外，已容不下事業和鬥心，直至分手了、受傷了，才驚覺自己蹉跎歲月，荒廢美好年華。
自小膽怯懦弱
近兩年，Sunny與羅明珠談戀愛，小環的感情世界依然空白，然後忽然激瘦，尺度開始放寬，擔任激光脫毛代言人後轉性感打扮。小環承認甩拖後人生觀改變不少，但總括而言，活得比前開心，和Sunny又再見亦是朋友，那就很好了。
日前小環在尖沙嘴接受訪問時便說：「我由細到大全部嘢都收收埋埋，搭van仔冇人落車，我係唔敢嗌、等到總站至落車嗰啲人。入娛樂圈已經變咗好多啦，以前我心諗選港姐着三點式，以後都唔使再着，啲人叫我着泳衣影相，noway啦，錯過咗好多宣傳、影封面嘅機會，到呢一、兩年，人大咗，着吊帶衫、lowcut出嚟都會有人讚，至知原來着出嚟係靚嘅都OK喎。」
拋開感情包袱
但小環強調瘦了與情變絕無關係，她說：「我唔係失戀short咗，係胃口細咗，完全唔關事。其實人一年一年咁經歷，以前係有啲嘥時間，冇事業心，但又唔係恨嫁，以前只係乜嘢都會依賴男朋友。𠵱家我拋開到感情包袱，比以前開心咗，亦都會畀多啲時間家人。」
採訪：朱倬誼 攝影：仇志德
髮型：SamNg@HeadQuarters
服裝：Sisley 場地：illycafe
