郭可盈是今年無綫台慶「最佳女主角」的大熱，她直言信心十足。可盈明年三月便與現在的經理人約滿，不排除她以後會跟無綫搵食，不過可盈卻避談此事，以免惹來無謂揣測。
無綫本月十九日的台慶夜，頒獎禮成為焦點，郭可盈憑《心花放》和《酒店風雲》兩劇提名「最佳女主角」，與汪明荃（阿姐）奪獎呼聲最高。可盈明年三月便約滿星語國際娛樂有限公司，她表示不排除會跟無綫簽經理人合約，黎姿去年都是獲獎即動筆與無綫簽經理人合約，情況甚為類似。
與無綫合作無間
問到可盈與經理人公司的關係，她說：「我出年三月先同𠵱家嘅經理人約滿，同無綫九年嚟都係部頭合約，大家一直關係好好，相處得好舒服，雖然無綫唔係我嘅經理人，但大家都合作無間，都唔要限於一紙合約，最緊要係合作得開心。」
問到可盈近日是否已與無綫開始洽談經理人合約，她迴避說：「呢個問題太敏感，我唔想講太多，始終我同無綫嘅合作關係好好。」可盈可擔心簽約無綫做經理人可會惹來換獎嫌疑？她又說：「我相信啲人唔會咁講，我咁多年嘅努力，做咗咁多嘢累積番嚟，觀眾係有眼睇。」
偕夫山區助貧童
此外，可盈表示影迷早前以她的名義成立了慈善基金，希望可以幫助有需要的人。可盈說：「我下個月等老公（林文龍）開完工，會應慈善機構邀請，一齊去內地嘅山區探訪貧窮小朋友，希望可以幫到佢哋。始終用自己嘅知名度回饋社會係最好。」
採訪：比華利 攝影：林德雄
服裝：DorianHoCollection、SistyrMoon
髮型：VanChan@Hair
化妝：DorisMak
