唐唐喺三月財政預算案話要取消遺產稅，前日終於以接近三分二嘅大比數喺立法會通過，唐唐真係飲得杯落啦。
肥龍得個恨字，因為如果佢個政改方案有咁嘅支持率，就瞓得安樂，唔使喺度大歎𠵱家做官難。
投票取消遺產稅嘅結果好騎呢，最後係白鴿黨都支持埋，但係大狀黨反對，唐唐辦公室話，下個星期條例會刊憲生效，追溯期返到七月十五號。
唐唐搞完呢單嘢，下個星期一去立法會財經事務委員會，就會向啲議員交代香港嘅經濟前景同公共財政狀況，並且展開新一輪預算案嘅諮詢工作。
八方聽聞，下年度嘅財政封套已經搞掂晒，啲新錢亦批出，個別部門可能會有多啲錢使。
用番StarChamber開星級會嘅方式去閉門爭新錢，班公僕都覺得好辦法，反正有錢使最重要。
傳真︰2623-9278
電郵︰[email protected]