李彩華（Rain）嘅緋聞男友蕭定一，早前被影到同着住背心仔嘅王秀琳（Mango）喺銅鑼灣嘅相，佢哋一齊去食越南生牛河，重一碗兩份食，睇起上嚟似足熱戀中嘅情侶。
蕭正一同阿Rain嘅關係幾乎係公開嘅秘密，不過阿Rain近半年成日喺內地開工，冇時間陪男友，蕭定一向來對女仔都好豪爽，所以平時身邊都有幾多「飛來蜢」。蕭定一被踢爆同Mango嘅緋聞後，身為「正印」嘅阿Rain點會唔谷氣。
力捧做一姐
阿Rain自從同前經理人黃柏高解約後，一直好想出唱片，馮仁昭八到蕭定一旗下公司正好成立唱片部，蕭定一為咗箍煲，即刻答應力捧阿Rain，希望𠱁番佢。
據知蕭定一打算花八位數字力谷阿Rain，重諗住捧佢做唱片部頭炮歌手，估計阿Rain出年又可再續歌星夢。
