功夫小子吳京自幼習武，憑一副好身手打入娛圈。在新片《殺破狼》中，吳京飾演一名冷血殺手，一講到被譽為李連杰接班人，吳京仍難掩興奮之色，他說：「能夠俾觀眾認同，我唔反對；最緊要我之後冇人接班，我係最威！」
吳京於動作電影《殺破狼》中，飾演一名犯罪集團首領座下的冷血殺手，武打場面不乏，但這對吳京而言毫無難度可言，因為他未入娛樂圈之前，已是多屆全國武術冠軍。
禽獸不如
在新片中飾演殺手，吳京自言很享受扮演一個無情的人，他說：「我其實唔鍾意打，反而鍾意演文戲，特別要演一個禽獸都不如、唔當人係人嘅角色，我覺得好好玩。」
吳京日前在尖沙嘴接受訪問，被問到曾是北京武術隊成員的他可會眷戀昔日光輝？他說：「冇，我連以前得過嘅獎牌、證書都唔知去咗邊。我攞過好多年武術冠軍，但最高級都只係冠軍，我心目中嘅冠軍係唔需要講出嚟。」
被喻為李連杰的接班人，吳京說：「我冇所謂，因為話你係李連杰接班人，即係話你有潛質，有乜唔好？李連杰係第一，即係我都會有機會係第一，能夠俾觀眾認同，我唔反對；最緊要我之後冇人接班，我係最威！」
拒提宣萱
或者吳京的確很紅，所以言語間總帶着一份得志的氣燄。雖然他應攝影記者的要求擺出踢腿甫士，但就拋下了一句「又係呢啲。」當問他來港可有聯絡過跟他傳過緋聞的宣萱時，他煞有介事地說：「呢啲唔想講，男人以事業為重，我唔想呢啲影響我事業。」
採訪：馮美茵
攝影：陳偉權
髮型：VincePang@IIColpo
化妝：ChanSiuFun
服裝：Circles
場地提供：美麗華酒店
