「烏甸」同雲達不來梅前晚合力炮製五十倍「主其他」，益咗買「大」嘅波友。以三比四落敗嘅「烏甸」教練哥斯美賽後就話輸得光榮。
我求大俠賽前唔睇好場波會開「大」，因為「烏甸」之前旺「大」後，近四場波都開「細」；點知作客同「不來梅」踢出火花，搞到跌眼鏡。
「鴨嘴帽」教練哥斯美賽後好滿意球員表現，重風趣到將球隊比喻作上季歐冠盃冠軍利物浦，話落後三球連追三球，差啲重贏埋！哎！講有鬼用咩，最後咪又係輸，淨係益咗「主其他」客！
不過，哥斯美話會繼續踢進攻足球，呢樣嘢最啱我求大俠聽，睇下之後有冇呃我哋班「大」客先！