唐唐落區攞料 - 李八方

  唐唐落區攞料 - 李八方

唐唐噚日好忙,上晝猛講內地放寬香港人民幣業務,下晝又去咗將軍澳一個私人屋苑,了解志願機構鄰舍輔導會,點樣協助殘疾人士融入社會工作,推行嘅社會服務目標情況。
佢重興致勃勃同參加計劃嘅人士分享交流,問吓佢哋做成點。冇法啦,佢身兼扶貧委員會主席,梗係要落區睇吓實況。
鄰舍輔導會係其中一個獲社署贊助嘅非政府機構,五年前開始,以社會企業模式,喺私人屋苑經營餐廳同家居服務,聘用殘疾人士做嘢,協助佢哋自食其力。
唐唐參觀完之後話,好高興能夠親自引證一下,喺企業、政府以及非政府機構(NGOs)三管齊下,達致社會共贏嘅一個模式。佢重話,社會企業係一個最優秀嘅模式,扶貧委員會以後會大力推廣。


爆料熱線:29290000、27860099
報料傳真:26239278
報料電郵:[email protected]