【本報訊】「以前同囡囡講嘢，囡囡表達得唔好，好多時會唔理我，我亦唔識處理……𠵱家譬如話囡囡想開雪櫃，我會㩒住道門，要佢出聲先畀佢開；開咗雪櫃會問佢攞乜，我又會特登攞錯畀佢，要佢講多啲嘢。」楊太的五歲女兒仟仟自小語言發展遲緩，她於數月前讓女兒接受「FloorTime」言語治療，令女兒的說話能力得以改善。 記者：黎國剛
言語治療是指針對溝通障礙及吞嚥障礙的治療服務，其中患者會出現對說話理解力不足、辭不達意、發音不準、口吃或聲音沙啞等問題。言語治療師梁偉豪估計，本港約有一成人口屬於溝通障礙及吞嚥障礙的患者，需要接受言語治療。
着重情感表達
梁偉豪指出，近年本港在言語治療方面有新的發展，從二○○○年開始，本港部份言語治療師引進了一種名為「FloorTime」的治療模式，有關方法相對傳統的治療，更着重小朋友的情感表達，針對他們的喜好及興趣，誘發他們的說話動機，並採用更多假想的事物，引導小朋友開口說話，從而進一步啓發孩子創造更多的句語，能夠在日常生活靈活使用。
他舉例說：「好似話用兩隻手做行路動作，用手指搭着手臂做行山動作，紙巾球可以假想係棉花糖，以旋轉嘅櫈假想為小朋友平日玩嘅氹氹轉，呢啲都係假想嘅事物，但可以引導小朋友講出更多嘅句語。」
梁偉豪又稱：「『FloorTime』嘅方法好重視同小朋友嘅溝通，除咗係言語上嘅一問一答，亦都可以透過非言語嘅表達，就係所謂嘅『溝通圈』。譬如爸爸問囝囝：『你食唔食蝦條呀？」囝囝話食，爸爸於是畀囝囝一條蝦條，囝囝攞嚟食咗。」
「又好似爸爸同囝囝講：『你今晚早啲瞓啦！』引導囝囝答：『點解呀？』爸爸可以話：『聽日要早起身！』咁囝囝可能又問：『點解呀？』爸爸又話：『去迪士尼囉。』於是可以不斷咁引導小朋友講嘢。」他強調，這種方法對協助自閉症孩童學習說話尤為有效。
改善離題情況
楊太於女兒仟仟三歲時，發現仟仟出現語言發展遲緩。她說：「嗰時囡囡啱啱入學，我發覺佢同同學仔講嘢，囡囡好多時都跟唔到。又好似有時我開咗個話題，囡囡唔知答乜，或者直情唔睬我。」
楊太於三個月前安排女兒接受「FloorTime」言語治療方法。她指女兒說話情況已見改善，「囡囡講嘢會多咗，講嘢講耐咗，冇咁經常離題。」但楊太稱，女兒現仍需繼續接受言語治療，直到入讀小學再評估其言語發展水平是否達標。