「渣打馬拉松─全球最強之戰」，第1站上月在肯雅奈羅比展開，12月同埋1月賽過新加坡及孟買兩站後，明年2月12號，就會到最後一站——決戰香港。
何謂最強？就係4個賽區，海拔、天氣以至路面都唔同，要跑得好唔簡單。所以要吸引至強嘅參賽者，渣打一啲唔手軟，將總獎金由上屆嘅120萬美金，加到今屆嘅143萬美金。
至於香港大賽，明年10周年。去年有3萬健兒參賽。同往年一樣，由尖沙嘴美麗華起步，經西九龍公園、青嶼幹線、汀九橋、西區隧道、干諾道中，至金紫荊廣場為終點。
踏入10周年，大會設立特別獎勵，只要是香港永久居民，不論男女，在3小時內跑完42.195公里，就可以獲發1千元獎金，如果可以係2小時11分內完成，更有１萬美元，有興趣嘅就要係12月底前報名，名額5500個，腳快有腳慢冇啦！