餅女戴面具夜遊遭Fans識破

餅女戴面具夜遊遭Fans識破

餅女Cookies久未同台,昨日四女以代言人身份在銅鑼灣出席運動鞋活動,並為球鞋設計比賽擔任頒獎嘉賓。四餅均以悉心打扮亮相,其中Miki露臍,Theresa則露腿,最為養眼。

Kary甩底

問Cookies怎樣慶祝萬聖節,Stephy埋怨道:「Kary打電話畀我話出去玩,點知我打番畀佢,佢又唔覆,原來佢瞓咗,麻鬼煩。」結果四人均沒外出狂歡。但Stephy謂早前曾與Kary戴面具出街玩,沿途未被認出,但突然有女歌迷走近Kary問她是否Kary,Stephy說:「原來Kary嗰晚出席咗個公開活動冇換衫,歌迷認得佢件衫呀。」Theresa則說:「我有年約朋友去蘭桂坊,四圍行都冇人認得,走近記者隔籬時好緊張,點知行過咗佢哋都唔認得又冇影相,我又驚又開心喎。」
採訪:楊潔雯 
攝影:陳慧安

Kary(左)和Miki難得同台,當然要敍舊聊天。

Cookies拿着運動鞋,仔細研究一番。