蓋鳴暉與吳美英昨日在將軍澳電視廣播城為年底舉行的《歡樂滿東華》提早錄影粵劇《洛神之洛水夢會》，二人出動私伙戲服，錄影廠亦特別搭建小橋渡頭布景。
營造水底布景
蓋鳴暉為求在螢幕製造特別效果，刻意揀選《洛神之洛水夢會》作為今年籌款的劇目，她說：「呢套戲可以玩有效果嘅水底景，又有仙女跳舞，𠵱家起碼籌到二十幾萬元，雖然話𠵱家經濟好轉，不過香港太多慈善show，我都盡量打多啲電話叫人支持。」
蓋鳴暉又表示早前應加拿大世界宣明會邀請到外蒙古探訪十天，她說：「好似返番幾十年前嘅內地咁，真係好窮、好慘，去到其中兩個家庭探訪，我都忍唔住同佢哋一齊喊。」