六十九歲的謝賢（四哥）和張文慈前晚拍攝新劇一幕床上戲，四哥堅持戴黑超和手表拍攝，說話一向鬼馬的他還對張文慈說：「我任你摸，除咗『小弟弟』唔可以摸。」
謝賢和張文慈（Pinky）前晚在亞視清水灣片廠拍攝新劇《情陷夜中環》，Pinky扮演四哥的情婦，二人還有一場火辣辣的床戲。
張文慈感尷尬
現場所見，身穿黑色tubetop的Pinky跟穿上背心的四哥一同睡在床上，並蓋上紅色被鋪，後來四哥應導演要求脫掉背心，Pinky說：「呢場戲係四哥度出嚟，我哋之前重拍咗場講佢抱起我嘅咀戲。」
拍攝期間，導演要求四哥除下手表、皮帶和褲子，四哥聞言笑說：「手表唔可以除，我要計時，至少四十五分鐘以上，唔係交唔到貨。」問四哥為何堅持戴上黑超，他抵死地說：「現實中我都係戴住墨鏡。」
劇情講述Pinky主動吻四哥，她卻顯得十分尷尬，四哥說：「醜婦終需見家翁，我唔信你唔識，你平時點錫人咪點做，搞完一定要錫啲女仔，如果唔係佢哋唔鍾意。」
引男人流口水
四哥又提議導演拍攝吸事後雪茄的鏡頭，他說：「攞番我條啡色嘢（指雪茄）嚟，唔通我條重係粉紅色？」及後四哥愈講愈興奮，變成大講鹹濕笑話，弄得哄堂大笑。當Pinky拍攝撫摸四哥的鏡頭而無從入手時，四哥又說：「我任你摸，除咗『小弟弟』唔可以摸。」
問Pinky可覺得四哥「有心有力」，她說：「唔知，佢抱起我好夠力。」Pinky又大讚四哥能帶他入戲，她說：「佢好弗，好有魅力，好有男士風度，會唔會再加戲就唔知，但佢好識搞氣氛。」問四哥覺得Pinky這位劇中情人怎樣？他說：「好多男人見到佢都流口水。」
採訪、攝影：王崇穎
