肥龍噚晚趁住星期二跑馬（因為要就澳洲跑墨爾本盃），唔使開立法會，請咗班議員同傳媒高層入馬場，齊齊跑馬happy吓，大家一邊食，一邊口水，肥龍講明「是晚不談政治、只談風月，有靚酒、大家飲」，但係議員加記者，都好難免唔提政改。
張宇人係「再戰群雄」嘅馬主，立會議員個個都問佢攞貼士，噚晚佢同陳偉業打賭，話如果跟佢落注，兩場都贏，十二月就要跟佢投票。結果張馬主果然金漆招牌，連中頭兩場，一場中Q，一場中三重彩，大嚿一世人入過三次場，今次最威，唔怪得嘈到拆天。
噚日各大黨派都有人出席，包括李華明、單仲偕、劉千石、劉江華、鄺志堅、李國麟、林健峰同埋何鍾泰，一個女議員都冇，湯大狀跑咗三場就趕住搭飛機去英國，準備同煲呔喺彼邦辯論。鄺志堅話自己第一次入場，坐係以前港督坐嘅包廂，對住終點，好過癮。
爆料熱線：29290000、27860099
報料傳真：26239278
報料電郵：[email protected]