車迷必去：去日本拜車壇大哥

去到日本，記得坐JR火車去本田Honda博物館，編輯部上星期就有同事去咗一次，每月都有不同題目，好似呢個十一月，博物館新加入1965年嘅RA272，更有大批電單車畀過你睇，重可以玩Honda自製嘅腳踏小型賽車。
要去本田Honda博物館唔係好難，坐JR火車，宇都宮站落車，由西邊出口出，或者乘搭真岡鐵道響茂木站落車，步行約20分鐘就到，免費入場，開放時間係上午9:30至下午5:30。

攝影：陳偉林

■有齊咁多代車系，第一代「披露」真係好型仔，好有日產GTR味道。

■1924年，十八歲嘅Honda老闆本田宗一郎同兄弟製作嘅汽車，馬力90匹，水冷引擎，最高時速可達160公里。呢台3,237c.c.　V8引擎係頂置式推桿，本來用於OX-5飛機上。