天氣轉涼，屋企部冷氣機未必需要再用，之但係無理由由佢封晒塵！唔用就梗係機外同機內都要洗乾淨佢，否則過完個冬天再開番着，唔單止噴出積咗成季嘅塵，分分鐘搞到部冷氣機唔夠凍或出現噪音問題。況且冷氣機保養得好，既慳電又襟用，而且清潔過程都唔使30分鐘，重等？快啲動手啦！
記者：葉靜君
攝影：何家亮
模特兒：Kathy@Newtypemodel
三個月洗一次內膽
冷氣機的內膽即冷卻系統亦會沾塵需要清洗，使用冷氣機專用的清潔劑，能有效清除冷凍葉內積聚的污垢和霉菌；呢類噴霧劑可用於窗口式機及分體式機。使用方法簡單，只需取出隔塵網，距冷凍葉約5cm噴上噴霧劑，套回已清洗的隔塵網；然後開動冷氣機，噴霧劑的泡沫便會自行清洗冷凍葉；約30分鐘後機內的污垢會隨着水管排出。一支噴霧劑可清潔一部2匹或兩部1匹冷氣機，最好每2-3個月清洗一次。
隔塵網
送風位
用布蘸上消毒酒精擦拭黐滿塵埃的送風位。
通風面
用棉花棒蘸消毒酒精，清除通風面隙縫的污垢，再用乾布抹機身。
分體式冷氣機清潔方法
分體式冷氣機的在室內的部份大致與窗口式機相同，可用上述清潔方法處理，先拆出隔塵網沖洗塵垢，再用布或棉花棒沾上消毒酒精擦拭送風位及通風面。
防塵要戴套
清潔完部冷氣機無遮無掩好容易又封塵，悠長冬季笠個套就可以防塵，揀埋公仔款重可以粉飾家居。冷氣機套通常分4種Size，買之前記住要Check清楚自己部冷氣係咩Size。
直立式風扇一味靠刷
慳位的直立式風扇𠵱家愈來愈多家庭選用，奈何呢類風扇一般唔可以好似傳統扇葉風扇咁拆件清洗，惟有靠牙刷刷去隙縫的塵垢。
傳統扇葉風扇先拆後浸洗
傳統的扇葉風扇容易拆開清洗，先拆除前罩，扭開鎖緊扇葉的螺絲，再拆下整個扇葉，然後進行清洗。
售賣點
（a）吉之島－康怡店（28846888）
鰂魚涌康山道2號康怡廣場（南座）地下至4樓
（b）實惠（29237010）
銅鑼灣怡和街1號香港大廈地庫
（c）日本城（28382441）
灣仔軒尼詩道331號地下A舖