好多人都鍾意觀賞金魚，有個靚魚缸更加係一件賞心樂事。成都最大嘅古玩藝術品交流市場「送仙橋藝術城」，最近就展出一款價值十六萬人民幣嘅魚缸。呢個魚缸由一千公斤嘅岫玉打造而成，呈青白色，長一點二米，上面鑿咗十四條金魚，既傳統又不失現代特色。魚缸嘅主人話，岫玉堪稱為國玉，所以用岫玉造嘅魚缸極具收藏價值。