張天愛夫婿王盛德（前名羅素）接拍富豪集團旗下赤柱富豪海灣全新廣告，早前專程回港一星期，在元朗片場連拍三天，廣告將於十二月一日播出。廣告構思以王盛德為臨海豪宅男主人，在大廳開豪華舞會，特別請來十二位樂團成員扮十二金釵演奏。
富豪集團主席羅旭瑞及太子女羅寶文亦有監場及打點，羅寶文說：「我哋想搵荷李活級嘅明星，要有成熟男性魅力，又想用番香港人。」
提議加接吻戲
張天愛抽空探班，指導丈夫與模特兒擺甫士，她說：「睇完個故事覺得唔夠浪漫，所以要加kiss鏡頭，重要佢錫到個女仔動心，同佢拍電影啲床上戲比，小兒科啦！《喜福會》佢同女角喺牆度做，又有全裸床戲，咁現實中，真正同佢有床上relationship嘅係我，我絕對唔會呷醋！」
採訪、攝影：DebbieLum