楊采妮（Charlie）應本地時裝品牌邀請擔任形象顧問兼拍攝秋冬廣告照，早前到澳洲墨爾本取景，拍攝十輯電視節目，分享穿衣之道，又直接參與搵景和資料搜集等工作。
楊采妮應本地時裝品牌bossini邀請，擔任代言人，今個秋冬更兼任形象顧問及主持一連十輯的電視節目，分享穿衣之道。早前Charlie到澳洲墨爾本雪山取景，她表示從事幕後工作更有滿足感。
親自搵景襯衫
Charlie大感雀躍說：「bossini畀好大嘅自由度我，直接參與形象指導工作，由襯衫到搵景、配道具，每個過程我都覺得好好玩，好有滿足感。」
為了不枉遠赴澳洲取景，Charlie走遍街頭及圖書館做資料搜集，她說：「對住咁靚嘅風景，忙裏偷閒喺cafe飲咖啡，留意吓街上嘅人嘅一舉一動，寫意之餘重帶畀我唔少靈感。」
重溫童年歲月
Charlie拍攝宣傳照之餘，不忘與工作人員寓工作於娛樂，例如其中一組照片是在遊樂場取景，Charlie一見傳統的旋轉木馬，即嚷着要玩，她說：「可以重溫細個時候嘅玩意，又可以狂食爆谷同棉花糖，都唔覺得喺度做緊嘢，心情都即刻輕鬆晒，同埋又可以一次過玩多種機動遊戲，最後同所有工作人員歎海鮮慶功宴，成個trip真係好難忘。」
