4月鯨吞IBM後，祖國名牌聯想成為國際企業，做嘢方法都即刻國際化。好似前幾日，佢哋請咗班歐美傳媒去北京參觀，跟手請埋佢哋落香港睇業績發布，搞到噚日個記招「鬼盛人衰」。華華早前聽聞，聯想有意完成收購IBM後，就帶香港同國內班傳媒去紐約總部考察，唔知呢張支票幾時兌現呢?
咁兩間公司點樣合作產生協同效益呢?主席楊元慶話，兩間公司整合，文化唔同無可能無衝突，大方向只要兩支隊伍都希望公司好，咁大家就會得出相同的標準，而小方向就係「能妥協」；佢話初初同Steve Wrad（CEO）就總部選址都有唔同意見，但知道揀紐約會令聯想更國際化，所以佢妥協，甚至尋日記招座位安排也妥協。