吳日言（Yan）昨日到跑馬地參加駕駛考試，雖然她應考前心情十分緊張，不過仍「一take過」順利過關。阿Yan說Juno曾表示會送車牌給她，不過事後又詐儍扮懵。
吳日言昨日下午到跑馬地荷塘道參加駕駛考試，考取私家車駕駛執照，排隊等候時，阿Yan已顯得十分緊張，不停觀察其他應考者的表現。考試時，阿Yan成功通過窄路掉頭、斜路開車等考驗，考泊車期間她把頭伸出車外檢查有否出界，十分謹慎。
結果阿Yan沒有白費三十小時的學車時間，成功通過路試，她知道合格後仍顯得相當緊張。阿Yan表示很久沒有參加考試，緊張得瘋狂心跳，又謂如果不合格一定會落淚。
買二手車代步
問阿Yan是否準備立刻買車成為車主，她笑說：「係呀，諗住買架二手車代步，搵架十零萬嘅慢慢供啦，我唔係Juno可以一筆過畀錢！」可會叫老闆資助買車？阿Yan即說：「唔使老闆資助喇，不過Juno之前話送個車牌畀我，之後又扮儍，𠵱家可能叫老闆送囉！」阿Yan又表示會將考獲車牌這喜訊第一時間通知父親。
昨日萬聖節，問阿Yan如何慶祝？她說：「可能今晚做完嘢，會同朋友出去玩吓，不過應該就唔會扮鬼扮馬喇。」
採訪、攝影：藍文浩
