觀塘瑞和街街市 日本南瓜：外皮青綠、又圓又扁，如想揀個又粉又甜的，秤上手較輕身的會較粉；若切開的，果肉色最橙為之最甜。 中國南瓜：外形長身像葫蘆，瓜肉水份較多，用來燜排骨或雞最適合。 馬蹄：味道爽甜，洗淨連皮原粒煲湯更鮮甜。切成碎粒剁肉餅或切片炒，則鮮甜爽口，揀時要揑一揑，夠實淨為之靚貨。
金菇：菇類最忌受潮，變得又霉又軟身。揀時以菇身夠挺直、色要夠白淨為之靚貨。 龍脷柳：以新西蘭入口的龍脷柳最正，因為夠厚身實淨夠嫩白。
＊價格截至10月31日為準
