銀主盤一向畀人印象係賣價比業主貨低些少，但原來都有例外，好似上水華慧園，出現業主貨平過銀主盤。 中原莊子文話，十座頂層，近千二呎，連天台及車位，以三百三十五萬沽出，每呎二千八。 不過，八座頂層連天台銀主盤，同碼，𠵱家就叫緊四百零五萬，每呎近三千四，相比之下，足足貴過業主盤逾兩成。 難怪莊子文話，買家睇完十座單位一日，就扑槌。