鄧健泓、譚小環及何婉盈前晚各自帶同愛犬出席萬聖節扮嘢大賽，當中以鄧健泓的迷你玩具貴婦狗最搶鏡，他笑言囝囝受歡迎程度有「寵物界劉華」之稱，現正為牠物色老婆，還不排除會登報徵婚。
鄧健泓前晚帶同他的兩歲迷你玩具貴婦狗，出席一間狗CAFE在銅鑼灣舉行的萬聖節扮嘢大賽，搶盡風頭，鄧健泓笑言愛犬無論到哪裏一樣甚受歡迎，更有「寵物界劉華」之稱。他說：「啲人成日走埋嚟話：『可唔可以同你影相呀——隻狗！』佢媽咪（指原子鏸）之前幫佢接咗個廣告，希望佢可以做狗明星啦。」
鄧健泓透露要為囝囝搵老婆，他說：「囝囝身形細，好難搵老婆。本來我睇中頭先扮白雪公主嘅狗女，但原來佢已經閹咗（做結紥手術）；如果真係搵唔到，我要登報幫佢徵婚。」
愛犬遭咬傷
有份出席的譚小環則表示本想帶同十一歲的魔天使到場，但日前父親帶牠行山時，被另一隻狗咬傷頸項，其父為此內疚不已。至於同場的何婉盈則透露家中有四隻老狗，年齡由十一歲至十四歲，她早前更遠赴三藩巿修讀與動物溝通的課程，現時正在寫狗書，她說：「啲狗仔細個好得意，老咗就好多病痛，需要人照顧，所以大家千祈唔好亂咁養狗。」
採訪、攝影：李珮洳
