樓市死氣沉沉，買家討價還價能力增強，隨時有筍盤執，好似鰂魚涌南豐新邨，有買家趁市道差，以一百六十五萬買入二座中層B，四百七十四呎，每呎唔使三千五，低市價一成。 利嘉閣倫子霖話，南豐十月有八宗交投，呎價三千六百五，個別業主見個市咁差，主動減價，盡快沽貨，實力夠又唔急嘅，就會將單位轉租，令到平盤忽增，連租盤都多咗三四成。