蘭西睇過最近高緯份全球舖租調查，發現香港舖市啲有趣一面，高緯列舉全球舖租最貴嘅紐約第五街租戶，全部係國際名牌LV、Prada、Gucci及老牌美式便服Abercrombie&Fitch等。
高緯話，銅鑼灣街舖全球第二貴，不過冇提過邊條街或者租戶名，蘭西左問右問，發現鄰近崇光嘅東角道及景隆街各有舖王，呎租同樣千五，分分鐘全球最貴。
蘭西對景隆街二號個舖份外好奇，因為地方細細，竟劏成四個蚊型搭檔。
業主黎永滔話，將呢個六十呎單邊舖，以每月九萬蚊租畀雞蛋仔檔，老闆再分租幾位友好。
電郵地址：[email protected]