郭錦恩、呂良偉和馬詩慧三個家庭及張天愛等昨日在尖沙嘴登仿古海船享受親子樂，現年四十四歲的張天愛不停逗玩郭錦恩的女兒，一副很想生女兒的模樣，其後張天愛透露去年初曾懷孕一個多月，但因血壓低及陀胎不穩而小產。
西班牙皮具品牌Loewe贊助仿十六世紀的海船NaoVictoria環遊世界，早前抵達香港，昨日Loewe邀請社交界名人上船親子樂，包括郭錦恩、呂良偉和馬詩慧三個家庭，而隻身到場的張天愛登船後不停逗玩郭錦恩的女兒，更送贈小芭蕾舞鞋，張天愛還說：「真係恨到口水流！」
好怕動物肉
張天愛與前夫邢李火原育有一女，問她何不與現任夫婿王盛德生育子女時，她即歎氣透露去年曾小產，她說：「我try緊，不過唔係最積極，因為try到都未必留到喺個肚到。我之前都試過兩次，有一次無端端有嘢流出嚟，都唔知係咪。
「舊年年頭就真係有咗一個幾月，不過我又飛得太多，唔為意做太多運動，唔stable冇咗，醫生後來驗血重話我血壓低，唔夠營養，佢叫我食多啲肉，我食咗六年素，好怕啲動物嘅肉，好似啲瘋牛症、禽流雞都重喺度，不過大家唔理照食啫。我𠵱家開始買優之良品嘅豬肉粒、牛肉粒，易入口啲。」
老公不失望
問張天愛其夫對於她小產，豈非很失望？張天愛說：「冇！佢都唔知幾開心，因為我可以多番時間照顧佢，佢成個細路咁。」問她可會繼續造人時，她說：「梗會啦，不過至少要停飛六個月都幾難，我諗要喺美國搞學校先至定到，不過𠵱家醫學發達，好多人工方法。」
此外，昨日眾人登船時，馬詩慧及呂良偉的太太楊小娟兩個媽咪均選擇留在岸上，原來二人都有不快經驗，怕水怕浪，馬詩慧謂六年前曾在快艇上穿高跟鞋影時裝相，一邊暈浪、一邊標冷汗拍足四小時，楊小娟則小時候曾遇溺，故不欲登船。
採訪：DebbieLum 攝影：HoWingLeong
