雖然我屋前塊田面積唔係好大，但就種咗好多唔同種類蔬菜，因為陳婆婆告訴我一塊地千祈唔好只係種一至兩樣嘢，咁樣種法塊田會愈嚟愈貧瘠。同一樣植物會不斷吸收同一類養份，這種養份會隨住一代一代成長而逐漸減少，最後連其他礦物質都沒有了。如果種唔同的東西，就可以互相補充，保持豐沃。所以我每個季節都會種幾樣蔬菜，例如秋天最多的菜心、生菜、意大利紫生菜，甚至連較少人知的耙齒蘿蔔都有！「其實世界都係咁，只有單一人種，地球便只有一種文化，只有一種生活方式，地球現在咁多姿多采，就係因為有多種族，多元文化各自綻放繽紛色彩。」陳婆婆有時都幾語重心長㗎！但係下一秒鐘又變得好似年輕人，幾乎摘晒我種的西生菜，洗乾淨就咁食，一路食一路話西生菜有好豐富維他命C，食咗冇牙肉出血。唓！明明啲菜係我㗎嘛，問都冇問我食唔食得！冇禮貌！ （三十四）
阿花