經紀黃上周六講到建滔化工（148）重獲證券行推介後，股價可能已見底。佢今日提到半新股AACAcoustic（2018），話隻股近期從由高位回落好多，值得留意收集。分析員估計公司業績靚仔，因半年定單增長明顯，而增長動力主要來自摩托羅拉的定單。
專門從事設計及生產微型聲學器材的AAC，今年8月份以每股2.73元招股上市，由於Size唔算大，幾個芬佬已坐住大部份街貨，上市後股價一路挾上，最高見過4.45元。10月港股大跌市，由於市況特別不利工業股，有個別芬佬獲利沽貨，AAC股價一度回落至3.50元的低位。
經紀黃話，最近有分析員見過AAC管理層後，話公司定單仍然強勁，而來自摩托羅拉的定單更多過預期。摩記近期最好賣的手機，仍係個款鬚刨手機，而AAC則為呢款手機提供零件，所以呢款手機好賣，AAC生意自然好，而雙方合作關係亦日趨密切。
AAC上周五升2.74％，收3.75元，成交股數262萬股，金額972萬元。
慕容小初