八和會館第三十二屆理事就職典禮噚日喺高山劇場舉行，民政事務局局長何志平主持監誓並頒發證書，陳劍聲再次擔任主席。
陳劍聲話，佢已經做咗十年主席。有機會見到何志平，陳主席梗係唔放過機會，同佢傾吓可唔可以向政府申請番個永久場地做粵劇，因為新光戲院都只係續咗四年約。陳劍聲話：「咁局長都話會盡力幫手喎。」
記者見到局長，乜都問一餐，好似禽流感同東亞運動會。肥平答案好標準，就係政府會密切監察同密切留意，前者佢話重有好多未知之數，叫市民要加強個人衞生喎；而後者，佢話可作為借鏡，希望○九年香港主辦時做得更好。不過，到時佢可能已經收咗工。
傳真︰2623-9278
電郵︰[email protected]