【本報訊】「偷油二人組」昨凌晨駕駛一輛掛假車牌、裝有儲油缸及電泵的客貨車，在長沙灣弄毀一輛停泊路旁中港貨車的油缸鎖偷油。偷油賊得手後轉向附近另一輛中港貨車落手，警員接報趕至，偷油賊見事敗飛車逃走，大批警員四出兜截無果，貨車司機損失五百公升油渣，值二千元。 記者：黃江奇
撞破偷油賊惡行、仍被對方逃去的中港貨車司機姓朱（四十五歲），駕駛中港貨車多年。事主為方便工作在內地居住，若工作需要在港過夜時，他習慣將貨車停泊在長沙灣瓊林街近大南西街路旁貨車免費車位，間中在車上留宿或借住親友家中。
警員馳至即驅車逃走
「如果喺車上過夜通常會開着冷氣，可能因開動引擎被人知有人喺車上，所以斷斷續續瞓咗成年都無事，點知因為噚晚天氣轉涼無開冷氣，結果俾偷油賊睇中落手，真慘！」事主朱先生講述事件經過時，一臉無奈。
「凌晨兩點幾喺車頭瞓緊，突然聽到有車泊埋嚟，有兩個男子講嘢，再聽到車底兩個油缸鎖被剪開，跟住有人用電泵抽油。我一直唔敢起身睇，怕佢哋對我不利，只能暗中報警。」
朱先生續稱：「佢哋用電泵好快抽晒我兩缸五百公升油渣，值成二千蚊嘅。跟住佢哋將車開前百多米，再向另一輛中港貨車落手偷油，佢哋知中港貨車油缸容量大，係識車之人！」
現場消息稱，當偷油賊在瓊林街近汝洲西街，向另一輛中港貨車偷油時，兩名警員接報趕至，偷油賊見事敗急忙跳回車上開車逃走。警員根據事主提供資料，證實涉案客貨車掛上假牌，曾四出兜截惜無發現。