香港大學微生物學系系主任袁國勇呢期紅過大明星，佢好擔心會出現人傳人禽流感，所以日日提醒公眾呢個威脅究竟有幾厲害。不過，原來呢位地位崇高嘅微生物學權威，平日生活好樸素，每日早晚都耍太極，日日食太太煮嘅清淡飯盒。
佢噚日喺電台節目度講，自己生活好簡單，朝早耍半個鐘太極，然後返大學，中午就食太太煮嘅飯盒，少肉多菜，重要食足兩碗飯，一路食一路聽同事滙報醫院嘅病人情況，下晝就入實驗室，夜晚臨瞓前再耍多一次太極，每日就係咁樣。佢話，雖然搵錢可能少個同輩好多，但係就好開心喎。
傳真︰2623-9278
電郵︰[email protected]