周麗淇與官恩娜兩位吳卓羲的新舊緋聞女友，前晚出席萬聖節活動齊齊扮鬼。兩女碰頭時有講有笑，但到拍合照卻保持距離。對於有傳吳卓羲寧捨官恩娜，投向周麗淇，周麗淇笑說：「愈多緋聞愈冇所謂，即係我配得起好多人，係開心事！」
周麗淇（Niki）、官恩娜（Ella）、吳日言與關智斌（Kenny）前晚在九龍灣展貿出席《903玩具反斗城萬聖巨星扮鬼晚會》，眾人扮鬼扮馬預早慶祝萬聖節，Niki扮蝙蝠、Ella扮性感女巫，吳日言扮南瓜，而Kenny則自稱是扮爛面版MichaelJackson。
而吳卓羲兩位新舊緋聞女友Niki和Ella被傳媒要求拍合照時，起初兩人均表示沒所謂，還有傾有講表現友好；但正式合照時卻保持距離，要等到Kenny加入合照時兩人始回復「生鬼」，態度親密許多。
緋聞中成長
事後Niki表示沒有為此感到尷尬，她說：「點會呀，新聞都唔係真，我哋點會有嘢？報道好唔健康，大家唔好睇咁多。」但她補充謂有緋聞比沒有好，還說：「我冇嬲呀，有人寫我，我睇嗰時會諗張相靚唔靚囉，愈多愈冇所謂，即係我配得起好多人，係開心事！過程中我會成長，初初唔慣，𠵱家都慣晒。」
現場設有一小朋友化妝比賽，四位出席歌手拖着小朋友出場，其間Kenny還請了一位女歌迷上台、又迫對方親吻自己的爛面，女歌迷竟一臉陶醉，場面搞笑。
想扮鬼新娘
至於吳日言則表示本想扮怪誕屍新娘，但要找婚紗很麻煩，加上首次穿婚紗就扮鬼也不吉利。
提到同門師兄麥浚龍欲送車牌給她，吳日言說：「係又唔拘呀，送NG12啦，我講咗後啲人整高個價都冇所謂，益吓政府囉！」
採訪：胡比 攝影：仇志德
