世界同化，很多比較落後的國家都逐漸開放，東西方文化互相交流，萬聖節在世界各地愈來愈多人重視絕對是一個活生生的好例子。重有一日就到萬聖節，你又準備好去邊度狂歡呢？年年都係蘭桂坊太悶？不如睇睇世界各地有甚麼慶祝活動，試試過一個別開生面的萬聖節。
記者：許維雅
部份圖片由TDR提供
最大型紐約萬聖節巡遊無疆界齊扮鬼
要數全世界最大規模的萬聖節活動，紐約市的GreenwichVillageHalloweenParade（格林威治村萬聖節巡遊）可算是世界數一數二。紐約格林威治村萬聖節巡遊始於1973年，由一位面具工匠兼木偶演員MrRalphLee發起，至今年係第32周年，歷史相當悠久。最初Ralph帶着朋友同小孩子在鄰居處遊行，後來漸漸演變成全條村的每年大型萬聖節活動。今年亦不例外，格林威治村萬聖節巡遊將會集合世界各地的參觀者，大家不分種族、不分年齡打扮成各式各樣的鬼怪，更帶備簡單樂器，即時演奏各地獨有的音樂，融合無疆界的風土文化。
查詢：www.halloween-nyc.com/index.php
最童話迪士尼大派對唔怕嚇死你
若果一家大細有老有嫩又想感受一下萬聖節氣氛的話，可以將萬聖節童話化，能夠扮鬼扮馬之餘，又唔會嚇親小朋友，絕對非迪士尼莫屬。其中日本迪士尼同奧蘭多迪士尼節目最多，當中唔少得幫小朋友畫鬼臉、花車巡遊等，各卡通人物更會以萬聖節南瓜打扮四出同小朋友玩樂。到時可能會見到南瓜look的米奇老鼠、着南瓜裙的白雪公主……等等，必定又驚又喜，我諗起都覺得好笑。
查詢：www.tokyodisneyresort.co.jp/www.waltdisneyworld.com
歐洲最大嘅南瓜！
德國魯斯特（Rust）歐洲主題公園（EuropaPark）為咗迎接萬聖節，在公園內放有一個歐洲最大嘅南瓜。呢個南瓜重4,178公斤、高度有1.1公尺、寬1.25公尺、直徑4.23公尺，佢嘅果肉足夠做4,000碗南瓜湯。
最驚嚇超巨鬼屋嚇儍人
想過一個真正驚嚇萬聖節的朋友，不妨可以一試位於美國SanFrancisco及SanJose的Gyro'sScreamFest。總面積超過8,000平方公尺的Gyro'sScreamFest，分別有四至五個主題嘅鬼屋，包括善惡決戰場、恐怖小丑、3D驚嚇工廠、神秘堡壘及嚇人cafe等。如果你自問膽識過人，到此一遊絕對可以滿足你要驚又要玩嘅心態，萬聖節當晚氣氛更一定值回票價。
查詢：www.gyroscreamfest.com
點解會有萬聖節？
早在西元前數世紀，居住在愛爾蘭的塞爾特人視10月31日為每年的最後一日，11月1日是新一年的開始。在這新舊年交接的夜晚，塞爾特人相信死神Samhain會帶同所有靈魂重返人間尋找替身以作重生。因此他們會燃點火炬，焚燒動物以作為給死亡之神的獻禮。為了驅趕黑夜中的游魂野鬼，塞爾特人會利用動物的頭或皮毛打扮成鬼怪的模樣，口中發出可怕的聲音在外面遊行，希望可以將孤魂野鬼嚇走。
點解要用南瓜？
相傳愛爾蘭古時候有個酒鬼叫Jack。有一天他飲醉之後，竟然將魔鬼撒旦哄到樹上，又叫他喺樹度刻一個十字架，結果撒旦被困喺樹上面走唔到。後來Jack就同撒旦講條件，如果撒旦保證他死後不會落地獄，就會放撒旦走，結果撒旦答應咗。雖則他死後不用落地獄，可惜更進不了天堂，只好在黑暗世界中不停地遊蕩。後來撒旦幫他做咗一個用大頭菜挖空做成的燈籠，裏面放着燈火，讓他在黑暗的世界中能夠找到路。這種燈籠稱為Jack-o-Lantern，後來愛爾蘭人移民到美國之後，發現用南瓜來雕刻更加容易，所以大頭菜燈就變成了南瓜燈。
