煲呔喺施政報告用咗王安石嘅詩句「一水護田將綠繞，兩山排闥送青來」作結，特首夫人鮑笑薇即刻夫唱婦隨，用呢句寫咗幅字畫，噚日喺港大專業進修學院校友周嘅開幕典禮展出。曾太嘅書法老師戚谷華話，幅字畫係施政報告讀完冇幾耐，特首夫人上緊港大個「行草書短期課程」嗰陣時寫，「佢話先生同佢都好鍾意呢兩句詩，覺得氣氛和諧，生意蓬勃，希望香港都好似首詩講到咁蓬勃。」戚老師話教咗曾太足足九年，大讚佢係好學生，出席率重係百分百㖭。
爆料熱線：29290000、27860099
報料傳真：26239278
報料電郵：[email protected]