善心嘩鬼跑樓梯 - 李八方

  善心嘩鬼跑樓梯 - 李八方

噚日匡智會舉辦「匡智競步上雲霄」,在場打氣嘅啦啦隊應吓萬聖節扮鬼,用隻血淋淋嘅骷髏手嚇到啲參賽者走夾唔唞,等佢哋可以跑快啲。二十五個參賽者要跑足六百八十八級樓梯,終點係中環廣場七十五樓,八方坐𨋢上去印印腳等佢哋跑上嚟,最快嗰個只係用咗十一分零三秒,認真厲害。
成個比賽籌到超過七十萬,善款會用嚟向智障兒童提供午膳津貼,同埋做智障青年就業培訓嘅經費,真係跑到索晒氣都值得。


爆料熱線:29290000、27860099
報料傳真:26239278
報料電郵:[email protected]

啦啦隊扮鬼扮馬為跑樓梯籌款嘅健兒打氣,唔知參賽者會唔會驚得滯而跑快啲? 李家皓攝