浙江有好多海島，多數都係冇人住嘅。今年一月，寧波市嘅《無居民海島保護與利用條例》正式實施，只要唔破壞環境，又有足夠資金，個人或者單位就可以用個島，甚至可以改埋名。據講，好多有錢佬都想一圓島主夢，舟山無人島嘅旅遊開發投資意向已經超過三十億元人民幣。不過浙江省政府最近緊急下令禁止呢啲計劃，認為唔應該盲目開發，富翁們應該都會幾失望。