郭富城昨日出席「法律週2005」開幕禮，首次與律政司司長黃仁龍見面，城城大讚對方友善兼能幹，更封對方為偶像，要向對方多多學習。
剛度過四十歲生日的郭富城，昨日以法律大使身份出席在中環遮打花園舉行的「法律週2005」開幕禮，這是城城首次與新任律政司司長黃仁龍見面，二人只相差一歲，甫見面隨即握手打招呼，寒暄一番。
暫未考慮從政
事後問城城與司長傾談甚麼，城城說：「我同司長講，佢已經成為我偶像，因為佢咁年輕就咁能幹，重好友善，好值得我去學習。」
曾獲選為香港傑青的城城，有否考慮參選議員或從事行政的工作？城城坦言：「暫時未有諗過，等我嘅人生經驗再多啲先，有冇興趣做呢類工作？梗係有啦。如果可以幫番香港市民，我都會盡心盡力咁做。」城城更笑言：「我都係一個好好嘅（行政工作）人選。」
「佢唔係我個仔」
活動上，城城與一班小朋友在台上玩問答遊戲，其中一位小朋友名叫郭富傑，城城即忍不住笑說：「呢個小朋友唔係我個仔，亦都唔係我細佬，我同佢一啲關係都冇，只不過佢叫郭富傑。」即引得哄堂大笑，而城城對於這班小朋友擁有如此豐富的法律知識，感到非常驚訝。
採訪、攝影：胡比
