懷有身孕的李嘉慧和董立茂前晚齊齊挺着大肚子往中環IFC欣賞美國品牌DianevonFurstenberg時裝騷。早前一直不認有孕的李嘉慧終承認懷孕三個半月，她透露年中已在美國註冊結婚，並打算明年補擺喜宴。
美國時裝品牌DianevonFurstenberg為慶祝置地廣場專門店開幕，前晚於中環IFC舉行時裝騷及酒會，邀請一班城中名人出席，其中李嘉慧及董立茂均挺着大肚子亮相。
迷信怕「小器」
早前被發現腹部隆起但不認有孕的李嘉慧，前晚終宣布有喜，她說：「𠵱家BB三個半月大，之前唔認係因為媽咪同奶奶都迷信，怕BB小器先唔認，唔好意思，講咗咁耐大話。」問李嘉慧稱呼奶奶，是否已與男友任偉成結婚？她承認說：「係呀，年中時我已經喺美國註冊，當時只得雙方家長同幾個好close嘅朋友出席，𠵱家計劃出年先擺酒。」
問李嘉慧懷孕是意外還是早有計劃？她說：「我同先生都好鍾意小朋友，一直都不設防嘅，而且見到啲老友好似琦琦同妙芝嘅BB都咁得意，自己都好想生。」李嘉慧表示懷孕後只重了兩公斤，不過上圍暴脹不少。至於BB性別則尚未確認，她說：「總之健康就得啦，𠵱家媽咪同奶奶已經不停煲補品畀我食，重未諗會唔會退出唔做模特兒，不過見啲老友行騷，自己都好想行埋一份。」問李嘉慧不認懷孕結婚是否因丈夫的官司未完？她說：「唔係，單官司結束咗好耐啦！」
董立茂再懷孕
而再度懷孕的董立茂去年誕下龍鳳胎，前晚她被問到這胎會否又是雙胞胎時，她即耍手笑說：「應該唔係啩，唔好啦啩！」
採訪：DebbieLum
攝影：RickyChan
