劉德華投資兼主演的電影《再說一次我愛你》票房不俗，在香港上映八日約收八百萬，於星馬等地亦是票房冠軍，在內地成績更佳，一個周末就有五百萬票房，比華仔在國慶假上映的《童夢奇緣》為佳。
無法回港
華仔現身在北京拍攝張之亮執導的電影《墨攻》，對於票房報捷十分開心，還向導演要求放假回港慶功，可惜遭拒絕。華仔說：「部戲去咗東京影展做參展作品，韓國片商睇完都喊到一塌胡塗話要買，𠵱家重傾緊賣去歐洲，我好想同阿Sa（蔡卓妍），Charlie（楊采妮）慶祝吓。」
後來華仔又要求張之亮放他出席金馬獎，他說：「我唔去嘅話，怕人哋誤會我冇獎就唔支持呀。」張之亮卻說：「你拍好《墨攻》，我下年同你一齊去，金馬獎籌委都係明白事理嘅人，以前你未得金像影帝，好多年冇入圍，年年都去支持，應該每個電影人都記得，所以你唔使擔心，我只希望你好好演好《墨攻》。」