容祖兒前晚在紅館舉行第二場個唱，請來林子祥（阿Lam）任表演嘉賓，祖兒演出完淋雨部份後，便介紹阿Lam出場合唱《零時十分》，唱罷阿Lam竟拿過祖兒的大毛巾，幫她抹乾背上的水，並說：「本來想同你跳舞，𠵱家同你抹身。前面使唔使？」祖兒即笑說：「唔使，不過抹面都好。」阿Lam遂幫祖兒抹面。
其後阿Lam又說：「我寫呢首歌畀沙麗（葉蒨文）時，係祖兒啱啱出世。」祖兒說：「你八一年寫，我一歲左右啦。你放心喺度唱歌啦，冇危險，呢度冇窿㗎！」惹得全場大笑。
觀眾反客為主
當祖兒請觀眾上台時，要求該男觀眾唱一首歌，讓她可到後台換衫，男觀眾卻害怕地說：「得唔得㗎，不如你喺度換，我喺度唱啦。」十分搞笑。
採訪：蔡如玉
攝影：林德雄