薛凱琪、組合at17、2R和Krusty等一班歌手前晚和昨日先後參與新城舉行的慈善唱K馬拉松。薛凱琪表示曾連續唱K八小時，有時但求發洩會刻意唱得很難聽。
薛凱琪（Fiona）、周國賢和at17等前晚在觀塘出席「新城慈善唱K大晒馬拉松」，Fiona表示試過連續唱K八小時，她說：「我通常唔會點自己啲歌唱，咁樣好似自戀狂咁。我入行前唔知去邊發洩，𠵱家識成日唱，但去卡拉OK都爭啲，因為我唱開liveband，有時我特登唱得難聽啲，又唱男仔歌。」
而2R、李逸朗、蔣雅文和Krusty等昨日接力出席該活動，2R穿上短裙仔又唱又跳，大搞氣氛。2R表示已有半年沒公開演唱，她們說：「再唱歌就係做慈善活動，好開心，我哋兩姊妹都好鍾意唱K，因為點樣走音都冇所謂，如果太多人去卡拉OK，我哋就唔會去。」
Krusty井底蛙
Krusty成員活己嵐說起唱K，自覺很無知，她說：「入行前喺卡拉OK唱歌時以為自己唱得好勁，點知入咗行之後就發現我嘅諗法好錯。」
採訪：胡比、李珮洳
攝影：仇志德
