林燕妮前晚現身DianevonFurstenberg時裝騷，見她胖了不少，面部和手指有點腫脹，她自爆患上甲狀腺腫瘤，她說：「醫生話呢個瘤係良性，佢話我長期甲狀腺素過低，所以好易攰，唔算好大件事，𠵱家食緊藥，都冇得擔心咁多。」
開刀怕留痕
問林燕妮何不考慮切除腫瘤？她說：「我一定唔會做手術，我咁貪靚，要喺條頸開刀，留條疤痕，我真係唔想。」記者指顧嘉煇也「生蛇」，林燕妮即說：「煇哥係一個我好敬重嘅人，佢係一個謙謙君子，不過佢生蛇比起我個病小事好多，好易搞啫！」
另外，時裝騷稀客栢安妮與丈夫結伴赴會，已是兩女之母的她，透露大女現年四歲，細女一歲。栢安妮表示現兼職物理治療師，其餘時間則湊女，她說：「我好努力喼弗，會同個女一齊上芭蕾舞堂同一齊溜冰。」
