屯門樓價雖然平，但係受市道影響都幾波動，祥益胡志偉表示，豐景園就錄得連天台特色戶勁減逾一成七個案。 五座高層四八九呎連天台單位，享開揚海景，二月開價一百一十萬，一直冇承接，業主見銀行連番加息影響樓市氣氛，數度降價，終以九十萬六千賣出，足足減咗超過一成七；呎價一千八百五十三，低市價半成。 業主九六年用一百萬買入，埋單要蝕九萬四。