美聯上個月公布搞「729物業專訊網上電視」，噚日試播，趕及喺佢哋承諾嘅時間出街，而首位加盟嘅電視台女主播終於揭盅，係喺亞視做財經節目嘅劉圓圓，佢返工一個月，總共做咗十一個專輯。想睇嘅就登入呢個網址：www.729.com.hk。
聽美聯講，佢哋啱啱收番中環環球大廈二十五樓一個出租單位，面積有千五呎，諗住用嚟做studio，預計十一月下旬就可以用得嘞。
對手中原張奕威話，預計大家嘅節目內容都會相近，唔同嘅係中記請新人或者搵自己友做主持，美記則重手挖電視台主播過檔。大家不妨睇睇比較高下。
電郵地址：[email protected]