舖市降溫，投資者出貨多過入貨，美記伍賢明話，有外資用家搵盤，旺角亞皆老街兩舖噚日截標，個客入標，想一口氣買晒，出價過億，接近業主心意，唔排除有機會成事。 不過，單deal有技術困難，因為個客自用想交吉，其中亞皆老街四十五號地下B舖部份前舖，同四十七號地舖，共千八呎，只有短租約，唔難交吉；但隔籬四十九號地舖，一千呎，有磁磚舖租緊，要交吉，就睇經紀牙力夠唔夠。