昨日建設銀行（939）掛牌，在大摩力頂之下，招股價幸保不失，對捧場客而言，總算是不幸中之大幸。不過，如果投資者等錢使或者冇信心要沽貨嘅話，計埋經紀佣金等使費就要蝕多少。
建行成交金額大到85.83億元咁多，但全日只得2.35元同埋2.375元兩個價位出現過，確實係奇景。
另外，雨潤食品（1068）近期受豬鏈球菌同埋禽流感消息打擊，再加埋保薦人穩定股價期完結，本周股價急跌，前日更跌穿招股價，昨日跌至上市以來低位3.20元之後，即見大量買盤殺到，最後拗腰成功，倒升3.76％,，以3.45元收市，成交股數1923萬股，金額6517萬元。
經紀黃話，人心虛怯，小小壞消息都可以被無限放大，加上雨潤上市時好受歡迎，唔少貨源流咗出街，今次借消息殺落嚟，好多止蝕盤即時湧現。不過，大戶收齊貨之後，要掃番上去易如反掌，重見3.70元招股價，照計機會好大。
慕容小初