駿豪除自己推銷深圳觀瀾湖私家果嶺別墅，又搵中原幫手。 雖然三十二幢別墅已經賣咗七成，但每幢閒閒哋要賣逾千二萬，加上之後駿豪會推啲更加大嘅別墅，每幢都億億聲，所以中原中國搵埋香港中原地產專搞豪宅嘅同事，一齊做好呢單生意，向香港同深圳啲富豪招手。 中原集團重希望將士用命，除咗應得嘅佣金之外，重撥出四百萬做獎金，利誘佢哋，盡力sell客，真係做到單單deal都有錢分。